Құлағалы тұр: ардагер актер Қазақфильмнің ауыр ахуалын айтты (ВИДЕО)

Қазақстанның халық әртісі Димаш Ақымов «Қазақфильмге» қатысты наразылығын білдірді, деп хабарлайды Todayinfo.kz порталы. Актер кезінде өмірі қайнап жатқан «Қазақфильмнің» жағдайы қазір мүшкіл екенін айтты.

«Қазір киностудияда тым-тырыс. Ешкім жоқ. «қазақфильмнің» жұмысы жоқ. Біреуі анда, біреуі мында, отбасын асырау үшін қызмет істеп жатыр. Бұл не сұмдық?1941 жылы «Ленфильм» мен «Мосфильмді» Алматыға көшіріп алып келді. Қанша адам қырылып жатса да, киноны тоқтатпады. Киноға ақша бөлінді. Қазір ешбір фильм түсіріліп жатқан жоқ. «Қазақфильм» жабылудың алдында тұр. Миым жетпейді. Кімге баруым керек? Кімнен сұрауым керек?», - деді актер қынжыла.