Самарқанға бағыт алған ұшақ Мәскеуге қонуға мәжбүр болды

Фото: ult.kz Санкт-Петербургтан Самарқанға бағыт алған Boeing 737 ұшағы діттеген жерге жетпей, Мәскеуге қонды. Бұл туралы «Ютэйр» әуе компаниясының баспасөз қызметі мәлімдеді, деп хабарлайды Тodayinfo ақпараттық порталы. Ақпаратқа сәйкес, «Ютэйр» әуе компаниясына тиесілі ұшақтың тұрақтандырғыш индикаторы іске қосылып кеткен. Ұшақ ішінде 173 жолаушы болған. Еске салсақ, соңғы уақытта ұшақ апаты жиілеп кетті. Ақтауда апатқа ұшыраған AZAL  компаниясының ұшағынан бөлек, Оңтүстік Кореяда Jeju Air  әуе кемесі құлап, жолаушылар көз жұмған. Іле Канада мен Норвегияда ұшақтар апатты жағдайда қонған еді.