Шерзат ісі: сотта куәгер ретінде жауап берген Нұрбекова тергеу кезінде қысым көргенін айтты

Шерзаттың ісіне қатысты сотта жауап беріп жатқан Эльмира Нұрбекова тергеу кезінде полиция қызметкерлері қысым көрсеткенін айтты,деп хабарлайды Todayinfo.

«Жауап беру кезінде олардың бірі маған орындық береді. Екіншісі келіп, боқтап «тұр» дейді. Қайта тұрып, осылайша екі күн тұрдым. Бұл әрекеттер менің жауабыма әсер етпеді. Мен өз білетінімді ол әрекетсіз де айттамын дедім», - деді Нұрбекова.

Ол сотталушылардың ешбір туысы тергеуден кейін оған хабарласпағанын айтты. Сот айыптаушылар куәгердің қасақана жалған жауап бергенін айтып, соттың бұл жауапқа назар аударуын сұрады. Естеріңізге салайық, былтыр қазан айының басында Талғарда төбелес кезінде 16 жастағы Шерзат Полат қаза тапты. Көп ұзамай қара жамылған отбасының үйі жанып кеткен. Полиция бөтеннің мүлкін қасақана жою фактісі бойынша іс қозғады.