Шымкентте 21 жастағы қызды көшеде пышақтап кетті: Танысы күдікке ілінді

Фото: видео скриншот 11 қаңтар күні Шымкентте 21 жастағы қыз пышақ жарақатынан көз жұмды. Қылмыстың болғанын қала полициясы растады, деп хабарлайды Todayinfo.kz ақпарат агенттігі. Полиция өкілдері қыздың өліміне қатысы бар деген күдіктінің жеке басын анықтады. Ведомство қылмыстық іс қозғады.

“Күдіктінің жеке басы анықталды. Алдын ала мәліметтерге сәйкес, ол марқұммен бұрын таныс болған. Қазір оны ұстап, қылмыстық жауапкершілікке тарту үшін барлық қажетті жедел-іздестіру іс-шаралары жүргізіліп жатыр”, – делінген полиция хабарламасында.

Otyrar.kz порталы таратқан бейнежазбадан тәртіп сақшыларының қолында бейнебақылау камераларынан алынған жазба барын көруге болады. Сондай-ақ қылмыс көшеде жасалуы мүмкін деген болжам бар. Полиция азаматтарды расталмаған ақпаратты таратпауға және тек ресми дереккөздерге сенуге шақырды.