Шымкенттегі шабуыл тек бір шенеунікке емес, бүкіл ақпараттық қауіпсіздікке жасалған шабуыл – саясаттанушы

Саясаттанушы Қазбек Майгельдинов Шымкентте шенеунікті оқ атылған жағдайға қатысты ойын айтты, деп хабарлайды Todayinfo ақпараттық агенттігі. Шымкенттегі шабуыл тек бір шенеунікке емес, бүкіл ақпараттық қауіпсіздікке жасалған шабуыл деп бағалау керек.

«Расталмаған суреттер, алып-қашпа сөздер, журналистік этиканы белден басу – бәрі бір сәтте орын алды. Бұл жағдай – біз ақпараттық соғыстың алғашқы шабуылына да төтеп бере алмайтынымызды айғақтады. Фактіні сүзгіден өткізу – ұлттық қауіпсіздіктің бір бөлігі», - деді ол.

БАҚ пен қоғам эмоцияға емес, дәлелге сүйенуі тиіс. Еске сала кетейік, бұған дейін экс-депутат, Шымкент қаласы әкімінің орынбасары Руслан Берденовті атып кеткенін хабарладық. Желіде Берденовке шабуыл жасалған жерден видео тарады. Руслан Берденовтің жағдайы туралы Денсаулық сақтау басқармасы мәлімет берді. Ол отадан шыққан, өміріне қауіп жоқ.