Түркістан облыстық мәслихатының депутаты Нұрайым Шақимерген баласын ертіп, Сәкен Сейфуллин атындағы мектептегі санитарлық жағдайды тексеруге барды, деп хабарлайды Todayinfo.kz ақпарат агенттігі.
Депутаттың айтуынша, аталған білім ордасының жағдайына байланысты тұрғындардан бірнеше рет шағым түскен. Тексеру барысында сынып бөлмелерінің дәретханамен іргелес орналасқаны және әжетханадан шығатын жағымсыз иістің оқушылардың оқу процесіне кері әсер етіп отырғаны анықталған.
Нұрайым Шақимерген бұл мәселені жауапты мекемелердің назарында ұстау қажет екенін атап өтіп, мектептегі санитарлық талаптардың сақталуын қатаң бақылауға алу керектігін жеткізді.
