Теміртау қаласында бір топ бозбала қарт кісінің үйіне рұқсатсыз кіріп, оған зорлық көрсетіп, оқиғаны видеоға түсіріп алғаны туралы ақпарат тарады,деп хабарлайды Todayinfo ақпарат порталы.
Әлеуметтік желіде тараған видео қоғамды дүр сілкіндірді
Желіде тараған мәліметке сәйкес, күдіктілер қарт адамға өздерін электрик ретінде таныстырып, есігін ашқан соң үйіне баса-көктеп кірген. Жалғыз тұратын қария олардың құрбанына айналды.
Құқық қорғау органдары қылмыстық іс қозғады
Қарағанды облысының полиция департаменті күдіктілердің анықталғанын және олардың ата-аналарымен бірге Теміртау полиция бөлімінің шығыс бөліміне жеткізілгенін хабарлады.
"Осы жылдың 29 наурызында аталған факті бойынша қылмыстық іс қозғалды", – деп мәлімдеді облыстық полиция департаментінің өкілдері.
Құқық қорғау органдары тергеу жұмыстарын жүргізіп, оқиғаның барлық мән-жайын анықтауда.
