Президент Қасым-Жомарт Тоқаев Кувейт Мемлекетінің Әмірі шейх Мишааль әл-Ахмад әл-Джабер ас-Сабах пен оның отандастарын ұлттық мерекесімен құттықтады, деп хабарлайды Todayinfo ақпарат агенттігі.
Бұл туралы Ақорданың ресми баспасөз қызметі мәлімдеді. Мемлекет басшысы өзінің құттықтау жеделхатында Қазақстан мен Кувейт арасындағы қарым-қатынастың достық пен өзара қолдауға негізделгенін атап өтті.
"Достық пен өзара қолдауға негізделген екіжақты қарым-қатынастар халықтарымыздың игілігі жолында алдағы уақытта да нығая беретініне сенімдімін", – делінген президенттің жеделхатында.
Қасым-Жомарт Тоқаев Кувейт Әмірінің жауапты қызметіне толағай табыс, ал бауырлас Кувейт халқына бақ-береке тіледі.
Фото: Әлеуметтік желіден
