Түлектер кешіне қатысқан әйелін қызғанып, атып өлтірген ер адам сотталды

Әйелін түлектер кешінен кейін атып өлтірген ер адам 18 жылға сотталды. 38 жастағы Айзирек Ералиеваның өлімі Қырғызстан қоғамында үлкен резонанс тудырған болатын, деп хабарлайды Todayinfo жергілікті басылымға сілтеме жасап. 2025 жылғы 31 шілдедегі үкімге сәйкес, А.Б.К. есімді азамат мынадай баптар бойынша кінәлі деп танылды:

• Қырғызстан Қылмыстық кодексінің 122-бабы 2-бөлімі 3-тармағы – әлсіз күйдегі адамды өлтіру 267-бап 1-бөлім – қару-жарақ пен оқ-дәрілердің заңсыз айналымы
•  267-бап 2-бөлім – атыс қаруын заңсыз сатып алу, сақтау, тасымалдау немесе алып жүру

Сот жазаларды толық қосу арқылы А.Б.К.-ны 18 жылға бас бостандығынан айырып, оған 100 мың сом көлемінде айыппұл салды. Айзирек Ералиева мен оның сотталушы күйеуі екеуі 5 баланы тәрбиелеп отырған. Олар  Қара-Кұлжа ауданында тұрған. 2025 жылғы 26 мамыр күні марқұм күйеуімен бірге мектептегі 20 жылдық түлектер кездесуіне қатысқан. Мерекеден кейін күйеуі алдымен әйелін ұрып-соғып, кейін атып өлтірген. Фото: https://t.me/news24kg