Үндістанда жойқын жарылыстан 11 адам қаза тапты

Үндістанның орталығындағы Мадхья-Прадеш штатындағы Байрагар ауылындағы жасырын отшашу заводында болған жарылыс салдарынан кем дегенде 11 адам қаза тапты. Кемінде 80 адам жараланған, деп хабарлады Hindustan Time газеті. 

«Бұл жарылыс кезінде 11 адам қаза тауып, 80-нен астам адам жарақат алды. Оқиғаға 50-ден астам жедел жәрдем, 400 полицей, өрт сөндірушілер мен құтқарушылар жұмылдырылды. «Бұлар негізінен жарылыстан кейін үйінді астында қалып қойғандықтан, қаза тапқан адамдар. Біз жарылыс болған жерге әлі жеткен жоқпыз, себебі өрт әлі жалғасуда және өрт сөндірушілер жұмыс істеп жатыр», — деді полиция бөлімі қызметкері Абдул Раис Хан.

Сондай-ақ зауытта 200-300 жұмысшы болған, іште көп адам қамалып қалған болуы әбден мүмкін. 15 шақырым радиуста сезілген жарылыс жақын маңдағы 60 үйді қиратты. Зауыттағы жарылыстарға байланысты шенеуніктер 100-ден астам тұрғынды эвакуациялады. Іздестіру-құтқару жұмыстары жалғасуда.