Украина Трамптың бейбітшілік жоспарына келісім берді

Фото: Ефрем Лукацкий / AP Украина Дональд Трамптың әкімшілігі әзірлеген бейбітшілік жоспарының шарттарына келісетінін хабарлады, деп жазады Todayinfo.kz ақпарат агенттігі.

“Украина Женевадағы АҚШ-пен жүргізілген келіссөздер нәтижесінде жеткен бейбітшілік бойынша негізгі келісімді қолдайды”, – деп мәлімдеген украиналық дереккөздердің бірі.

Агенттіктің дерегінше, жоспардың кейбір тармақтары әлі де жетілдіруді қажет етеді және олар АҚШ пен Украина президенттері арасында талқылануда. АҚШ бейбітшілік жоспары Киевке 20 қарашада ұсынылды. Бастапқы шарттардың арасында – Украина НАТО-ға кірмеуі, Қырымды, Донецк пен Лугансты Ресейге тиесілі деп тану бар. Айта кетейік, бастапқы құжат 28 тармақтан 19 тармаққа дейін қысқарды.