2026 жылдан бастап Қазақстанда салық қарызын өндіру шаралары өзгермек. Жаңа Салық кодексі бойынша ережелер айқын әрі жұмсақ болады, деп хабарлайды Параграф.
Қазіргі тәртіп
Бүгінгі күні:
-
1 теңгеден бастап салық қарызы үшін мәжбүрлі шаралар қолданылуы мүмкін;
-
6 АЕК-тен (2025 ж. – 23,6 мың теңге) асса, банк шоттары бұғатталады.
Жаңа ережелер (2026 жылдан бастап)
Жаңа тәртіп бойынша қарыз мөлшеріне қарай келесі шаралар қолданылады:
-
20 АЕК-ке дейін (78,6 мың теңге)
– тек хабарлама жіберіліп, өсімпұл есептеледі. -
20–45 АЕК аралығы (78,6 – 176,9 мың теңге)
– банктік және кассалық шығыс операциялары бұғатталады, инкассалық өкім қойылады. -
45 АЕК-тен жоғары
– мүлікке тыйым салынып, сатылуы мүмкін, сондай-ақ қарыз дебиторлар арқылы өндіріледі. -
27 000 АЕК-тен көп (шамамен 106 млн теңге)
– үш ай ішінде өтелмесе, шетелге шығуға тыйым салынып, банкроттық рәсімі басталады. -
Бұдан былай салық органдары 20 АЕК-тен аз қарыз үшін шотты бұғаттай алмайды.
-
Қарыз көлемі артқан сайын шаралар да қатаңдайды: алдымен ескерту, кейін шот бұғаттау, соңында мүлікті тәркілеу мен шетелге шығуға тыйым салу.
