Жетісайдағы өрттен зардап шеккен науқас Шымкентке жеткізілді

Фото: видео скриншот Төтенше жағдай министрлігіне қарасты «Казавиақұтқару» авиациялық қызметінің борт нөмірі EC 145 тікұшақ экипажы Түркістан облысының Жетісай ауданынан санитарлық рейс орындап, өрттен зардап шеккен 1986 жылғы ер адамды Шымкентке жеткізді, деп хабарлайды Todayinfo.kz ақпарат агенттігі.

– Түркістан облыстық ауруханасы Шымкент қаласында орналасқан, ал Жетісай ауданында шұғыл көмек көрсету үшін қажетті арнайы жабдық жеткіліксіз болғандықтан тасымалдау қажет болды. Экипаж санитарлық рейсті сәтті орындап, зардап шеккен адамды Шымкент қаласындағы гипербариялық оксигенация орталығына жеткізді, – делінген облыстық төтенше жағдай департаменті таратқан хабарламада.

Тікұшақ жерге қонған соң ер адам арнайы медициналық мамандардың бақылауына тапсырылды.