«7 жыл некесіз тұрдық»: Мақпал Жүнісова неке қиылу тарихын айтты

Қазақстанның халық әртісі, әнші Мақпал Жүнісова Instagram әлеуметтік желісіндегі парақшасында марқұм жұбайы Заманбек Нұрқаділовпен қалай отбасын құрғаны туралы естелігімен бөлісті, деп хабарлайды Todayinfo ақпарат агенттігі. Өнер иесінің айтуынша, олар алғаш танысқаннан кейін жеті жыл бойы некесіз бірге тұрған.

«Зәкең үлкен той жасап, неке қиюға барамыз дегенде, “Жоқ, Зәке, жақсы көрсеңіз асықпаңыз. Әңгімеміз жараспай қалса, дардай басыңызбен ажырасып жүресіз бе? Бір-екі жыл бір-бірімізді тексерейік” деп келіспедім», — деп жазды әнші.

Мақпал Жүнісованың айтуынша, олардың некесі 1998 жылдың 1 қазанында ресми түрде қиылған. Осы уақытқа дейін олар заңды некеге тұрмай бірге өмір сүрген. Бұл жазба желі қолданушылары арасында үлкен қызығушылық тудырып, әншінің ашық әрі шынайы естелігі ретінде бағаланды.