Астанада ер адам өзенге секірді: полиция капитаны оны ажалдан аман алып қалды

Бүгін таңертең Астанадағы Арқар көпірінде ер адамның өзенге секіргені туралы хабарлама бойынша полиция қызметкерлері жедел түрде оқиға орнына жетті, д еп хабарлайды Todayinfo ақпарат порталы. Көпірдің сырт жағында тұрған ер адам секіріп кеткен кезде, тәртіп сақшыларының бірі — по

Бүгін таңертең Астанадағы Арқар көпірінде ер адамның өзенге секіргені туралы хабарлама бойынша полиция қызметкерлері жедел түрде оқиға орнына жетті, деп хабарлайды Todayinfo ақпарат порталы. Көпірдің сырт жағында тұрған ер адам секіріп кеткен кезде, тәртіп сақшыларының бірі — полиция капитаны Нурсултан Динабеков — еш ойланбастан әрекетке көшті. Капитан Динабеков суға түсіп, ер адамға құтқару шеңберін тағып, оны жағаға алып шықты. Оқиға орнында күтіп тұрған жедел жәрдем қызметі зардап шеккен азаматты қабылдап, медициналық көмек көрсетті. «Уақыт жоқ еді. Мен жақсы жүземін, өзіме сенімді болдым. Бұл — менің полиция қызметкері ретінде ғана емес, ең алдымен адам ретінде борышым. Мұндай сәтте жалғыз мақсат — адамды құтқару», – деді Нурсултан Динабеков. 2020 жылдан бері ішкі істер органдарында қызмет ететін Нурсултан Динабеков бұл әрекетімен бұрынғы ерлігіне тағы бір елеулі үлес қосты. Бұған дейін де ол төтенше жағдайда адам өмірін аман алып қалған.