Астанада жедел жәрдем қызметкеріне шабуыл жасаған ер адам ұсталды. Дәрігерлер мас күйдегі екі азаматқа көмек көрсетуге келген, деп хабарлайды Todayinfo ақпарат агенттігі.
Оқиға елордадағы сауда орталықтарының бірінде болған. Жедел жәрдем бригадасы шақырту бойынша келіп, мас күйдегі екі ер адамға медициналық көмек көрсеткен. Алайда, ем-домнан кейін олардың бірі агрессия танытып, фельдшерге жұдырық ала жүгірген.
Ішкі істер министрлігі бұл дерек бойынша қылмыстық іс қозғалғанын растады. Күдікті уақытша ұстау изоляторына қамалды.
Биыл 7 наурыздан бастап Қазақстанда медицина қызметкерлеріне күш көрсеткендерге қатысты жаза қатайтылғанын еске саламыз. Қылмыстық кодекске енгізілген жаңа түзетулерге сәйкес, мұндай қылмыс жасағандар 12 жылға дейін бас бостандығынан айырылуы мүмкін.
Фото: Әлеуметтік желіден
