Астананың ақымағы: жолаушыларға қауіп төндірген жігітке бірден 12 түрлі айыппұл салынды

Астанада 21 жастағы автокөлік жүргізушісі жол ережелерін өрескел бұзып, қозғалысқа қауіп төндіргені үшін ұсталды, деп хабарлайды Todayinfo ақпараттық порталы. Жол қозғалысын бақылайтын полицейлер әлеуметтік желілердегі бейнематериалдарды сараптау барысында жүргізушінің заң бұзғанын анықтады. Ол мемлекеттік нөмірлерін шешіп тастап, бір кеште бірнеше рет бағдаршамның қызыл түсіне өтіп, жаяу жүргіншілерге жол бермеген және жол белгілерін елемеген.

«Жүргізілген жедел-іздестіру шараларының нәтижесінде 21 жастағы жүргізуші анықталып, бірден 12 әкімшілік құқықбұзушылық бойынша жауапқа тартылды. Оның көлігі коммуналдық айып тұрағына қойылды», – делінген полиция хабарламасында.