«Динараға ұқсайды»: TikTok-та Жұмабек Жанықұловтың бұрынғы отбасына қатысты тың деректер жарияланды

Танымал кәсіпкер Жұмабек Жанықұловтың бұрынғы әйелі туралы бейнежазба TikTok желісінде кең тарап, бірнеше сағат ішінде 300 мыңнан астам қаралым жинаған. Желі қолданушылары бейнежазбаға түрлі пікірлер қалдыруда,деп хабарлайды Todayinfo. Бейнежазбаны жариялаған Динара есімді TikTok қолданушысы кәсіпкердің бұрынғы жұбайының төрт ұл мен бір қыздың анасы екенін айтып, оның отбасылық суреттерін ұсынған. Келіншектің сырт келбеті де назардан тыс қалмады – желіде оның аққұба, көрікті екені жиі жазылды. «Жұмабекке 4 ұл, 1 қыз туып берген аққұба, сұлу әйелі», – делінген бейнежазба сипаттамасында. Желі қолданушыларының пікірлері әртүрлі болды. Бірі кәсіпкердің бұрынғы жары мен қазіргі жұбайы Динара Сәтжанды салыстырса, енді бірі балалар тағдырына алаңдаушылық білдіруде:

• «Әдетте ер адамдар жас қызға үйленуші еді, бұл кісі керісінше екен»
• «Бірінші әйелі Динарадан да сұлу сияқты»
• «Бес баланың көз жасы оңайлықпен кешірмейді»
• «Динараға қатты ұқсайды екен»

Жұмабек Жанықұлов пен оның бұрынғы жұбайының ажырасуына не себеп болғаны туралы ресми ақпарат жарияланған жоқ. Қоғам назарын аударған бұл жайтқа тараптардан ешқандай түсініктеме берілмеді.