Геннадий Головкин World Boxing ұйымының президенті болып сайланды

Фото: facebook.com/gggboxing/ Қасым-Жомарт Тоқаев Геннадий Головкинді World Boxing халықаралық федерациясының президенті болып сайлануымен құттықтады, деп хабарлайды Todayinfo.kz ақпарат агенттігі. Қазақстанның даңқты боксшысы Геннадий Головкин Римде өтіп жатқан World Boxing басшысын сайлау барысында жеңіске жетіп,  ұйымның президенті болып бекітілді. Сайлауда GGG жалғыз кандидат болды. Конгреске қатысқан мүшелер оны бірауыздан қолдап, дауыс беру нәтижесінде жоғары лауазымға тағайындады. Осылайша, Геннадий Головкин халықаралық спорт федерациясын басқаратын тұңғыш қазақстандық ретінде тарихқа енді. Сайлаудан кейін Мемлекет басшы Қасым-Жомарт Тоқаев Головкинді халықаралық ұйым президенті болып сайлануымен құттықтап, оның бұл жетістігін спорттағы қажырлы еңбектің лайықты жемісі екенін атап өтті.

“Бұл – Геннадий Головкиннің ерен еңбегіне берілген лайықты баға. Даңқты отандасымыз олимпиадалық спорт түрі бойынша халықаралық федерацияны басқаратын Қазақстанның алғашқы өкілі атанды” – делінген құттықтауда.