«Күйеуі есірткі қолданып, тұншықтырған»: Алматы облысында балконнан құлап көз жұмған келіншекке қатысты тың дерек шықты (ВИДЕО)

Алматы облысындағы «Асыл арман» тұрғын үй кешенінде көз жұмған 21 жастағы келіншекке қатысты тың дерек шықты, деп хабарлайды Todayinfo. Ажар есімді бойжеткен 6-қабаттан белгісіз жағдайда құлап, көз жұмды. Марқұмның артында бір жастағы ұлы қалды. Ажар екі жыл бұрын сыныптасына тұрмысқа шыққан. Алайда көп ұзамай әпкесіне күйеуінің үнемі зорлық-зомбылық көрсететінін, тұншықтыратынын және есірткі қолданатынын айтып шағымданған. Анасының айтуынша, күйеу баласы анасымен бірге ішімдікке әуес болған. Қайғылы оқиға болған күні үйде Ажардың күйеуі мен енесі де болған. Күйеуі оның өз еркімен секіргенін айтқанымен, марқұмның туыстары мен достары бұған күмәнмен қарайды. Бүгінде күдікті ретінде Ажардың күйеуі қамауда. Ол әйелін үнемі ұрып-соғып, қорлықт көрсеткен. Оның бұл әрекетін қыздың құрбылары да, ата-анасы да білген. Желіде оның құрбысының жантүршігерлік видеосы тарады.

«Құрбыңның өз бақытын тауып, тұрмыс құрғанына қуанасын, ал екі жылдан кейін оның қазасында баласын құшақтап қаласын», – деп жазады ол.