Құрбан айттың атын жамылып қылмыс жасаған "БанкЦентрКредит" АҚ-ның топ-менеджері сотталды

Алаяқтақы жасаған "БанкЦентрКредит" АҚ топ-менеджері сотталды. Банк қызметкері құрбан айт мерекесінде қаржы табамыз деген сылтаумен таныстарын тақырға отырғызған, деп хабарлайды Todayinfo.kz порталы.  Ол ірі қара малды қайта сатамыз деген сылтаумен бизнеске таныстарын тартқан. Бірақ олардың ақшасына автосалоннан су жаңа "Камри" сатып алып, ақырында сотталып кетті. 2022 жылдың жазында Біржан Нәбиевтің жағдайы өте жақсы болды - ол ЦКБ-дағы ірі және орта сегменттің кредиттік тәуекелді бағалау дирекциясының басшысы қызметін атқарды. Бірақ әлі де өз тарапынан ақша табуға тырысқан ол шілде айында семейлік жерлестерімен кездескен. Нәбиев достарына ет бизнесіне инвестиция салуды және ШҚО-да бордақыланған бұқашықтардың партиясын бірге сатып алуды ұсынған. Ірі қараны Алматыда Құрбан айтта қайта сатып, мол пайдаға кенелеміз деп сендірген. Банкир бір малдан түсетін пайда кем дегенде 100 мың теңгені құрайды деп уәде берді, бұл ретте ол барлық логистика мен іске асыруды өз мойнына алуға дайын болды.  Бірақ оған 80 бас малға - шамамен 25 миллион теңгеге ақша керек болған. Нәтижесінде екі дос жобаға қатысуға келісті және Біржанға қажетті соманы бере салған. Кейін Набиев автосалонға барып, осы ақшаға жаңа "Тойота Камри" сатып алады да, бұқаның орнына алынған темір тұлпарына үш жетіден тұратын мемлекеттік нөмір тағып алады.

"Біраз уақыттан кейін инвесторлар Біржанға сұрақтар қоя бастады, бірақ "БанкаЦентрКредит" топ-менеджері кездесулерден қашып, қоңыраулар мен хабарламаларға жауап бермеген. Бірде ол таныстарына ақшаның бәрін қайтаруға уәде берген. Достар банкир өз сөзін орындайды деп үміттенді, бірақ олар ештеңе қалмайтынын түсінді, сондықтан олар 2023 жылдың соңында полицияға жүгінді", - делінген хабарламада.

Банкирдің үстінен қылмыстық іс тіркеліп, тергеу жүргізілді және 2025 жылдың күзінде "Камри" әуесқойы сотқа тартылды. ЦКБ қызметкері кінәсін мойындамады, ол ешкімнен ештеңе алмағанын және оған не үшін талап қойылып жатқанын мүлде түсінбейтінін айтып ақталған. Алайда судья Залина Махарадзе бұл айғақтарға сыни көзқараспен қарады, өйткені жәбірленушілер ақшаны беру туралы дәлелдер келтірді. Осыған байланысты Біржан Нәбиев алаяқтық жасағаны үшін кінәлі деп танылып, 5 жылға бас бостандығынан айырылды. Банкир тура жаңа жыл күні, 31 желтоқсанда қамауға алынды. Үкім заңды күшіне енген жоқ.