«Қара наймандар дүниеге келеді»: ҚуатХамитов қара нәсілді қызбен түскен суретімен жұртты таңғалдырды

Қазақстандық танымал спортшы Қуат «Найман» Хамитов әлеуметтік желіде жаңа сүйіктісімен бірге түскен суретін жариялап, көпшіліктің назарын аударды. Желі қолданушылары бұл суретті түрлі пікірмен қарсы алды, деп хабарлайды Todayinfo.kz порталы. Фотосуретте файтер Таиландтағы демалыс кезінде қара нәсілді қызбен бірге тұрғаны көрінеді. Ол суреттің астына әзіл-оспақпен: «Қара наймандар дүниеге келетін сияқты» деп жазып қойды. Айта кетейік, Қуат өзінің Найман руынан екенін жиі айтып жүр. Қуаттың бұл жазбасы желіде қызу пікірталас тудырды. Көптеген қолданушы оған қолдау білдіріп, бақыт тілеген. Жазбаның астында: «Бастысы махаббат», «Бақытты болыңдар», «Ұлтың емес, ниетің маңызды» деген сынды пікірлер көптеп жазылған. Еске сала кетейік, Қуат Хамитов бұған дейін Сабина Алтынбековаға көзқарасы барын ашық айтып, оның жүрегін жаулап алғысы келетінін мәлімдеген болатын. Алайда, волейболшы Сабина тұрмысқа шығып, ана атанды.