Ресей Таяу Шығыстағы соғысқа араласу үшін Иранға әскер жібереді - Зеленский

Украина президенті Владимир Зеленский Ресейдің Иран режиміне әскери көмек көрсетуі мүмкін екенін мәлімдеді. Оның айтуынша, Мәскеу Иранға өз әскерін жіберу арқылы Таяу Шығыстағы жағдайға араласуы ықтимал, деп хабарлайды Todayinfo ақпарат агенттігі. Ирландиялық журналист Кейлин Робинсонға берген сұхбатында Зеленский Ресей мен Иран арасындағы әскери ынтымақтастықтың қауіпті деңгейге жеткенін атап өтті. Ол Мәскеудің Тегеранды дрондармен, зымырандармен және әуе шабуылына қарсы қорғаныс жүйелерімен қамтамасыз етіп отырғанын еске салды.

"Қазіргі жағдайды ескерсек, бір ғана сұрақ туындайды: Иран режимін қолдау үшін қай ел бірінші болып әскер жібереді? Солтүстік Кореяның 10 мың сарбазы қазір Ресей аумағында, олар кейін Украинаға жіберілуі мүмкін. Дәл осындай сценарий Иранда да қайталануы ықтимал — Ресей ол жаққа өз әскерін жіберуі әбден мүмкін", - деді Владимир Зеленский.

Фото: Әлеуметтік желіден