Жанар Айжанова қыз ұзату тойының 3 мамырда өтетінін мәлімдеді

Өткен аптада блогер әрі актриса Айжұлдыз Адайбекова ерекше стилдегі ұзату тойымен көпшіліктің назарын өзіне аударды. Желі қолданушылары жас жұптың үйлену тойын асыға күтіп отырғаны байқалады,деп хабарлайды Todayinfo ақпараттық агенттігі. Күні кеше «1001 түн» телебағдарламасына сұхбат берген белгілі әнші, актриса Жанар Айжанова қыздың тойы 3 мамыр күні өтетінін хабарлады. Ол Алматыда үлкен концерт өткізгенін, ал 30 сәуір күні Астанада спектакль-концерт жоспарланғанын айтты. Бағдарлама жүргізушілері Жанар Айжановаға басқа өңірлерге гастроль қашан жалғасатынын нақтылады.

«Әрине, Алматы мен Астанада ғана емес, оңтүстік өңірлерді де аралаймыз. Мамырдың 3-і күйеу баламның тойы. Оған енді бармасам болмайды ғой, құдағимын. Сол тойдан кейін, шамамен 10 мамырдан бастап Шымкент, Тараз, Түркістан қалаларына барамыз», – деп жауап берді.